سياسة الخصوصية
تطبيق «سكينة» — آخر تحديث: 21 أكتوبر 2026
«سكينة» أداة مساعدة ذاتية لدعم التعافي من الوسواس القهري الفكري. الصفحة دي بتشرح البيانات اللي التطبيق بيجمعها، وبيستخدمها في إيه، وإزاي تتحكم فيها أو تمسحها. سكينة مش بديل عن الطبيب أو المعالج النفسي.
1. البيانات اللي بنجمعها
- بيانات الحساب: البريد الإلكتروني وكلمة المرور (متشفّرة)، أو اسمك وبريدك لو دخلت بحساب Google.
- الاختبار والمتابعة اليومية: إجاباتك ونتيجتك ومتابعاتك بتتحفظ على جهازك بس، ومش بتتبعت لسيرفراتنا.
- المحادثة مع سكينة: رسائلك بتتبعت لخدمة الذكاء الاصطناعي عشان يتولد الرد (شوف البند 3). ولو وافقت على «مزامنة المحادثة»، الرسائل بتتحفظ كمان على سيرفراتنا.
- إعدادات التنبيهات: هل التنبيهات شغالة، وكل قد إيه، والمنطقة الزمنية، وبيانات اشتراك الإشعارات للجهاز.
2. بنستخدمها في إيه
- تشغيل حسابك وتسجيل الدخول.
- توليد ردود سكينة في المحادثة، وتخصيصها على حسب نتيجتك وملفك.
- إرسال التنبيهات اللي إنت فعّلتها.
- لو وافقت على المزامنة: مسؤول التطبيق ممكن يطّلع على المحادثة لغرض الدعم وتحسين الخدمة فقط.
مش بنبيع بياناتك، ومش بنستخدمها في إعلانات، ومش بنشاركها مع حد غير مقدّمي الخدمة المذكورين تحت.
3. مقدّمو الخدمة اللي بنتعامل معاهم
- Supabase: استضافة الحسابات وقاعدة البيانات والسيرفر.
- Google Gemini: توليد ردود المحادثة. نص المحادثة وملخص حالتك بيتبعتوا عشان يتولد الرد.
- Google Sign-In: لو اخترت الدخول بحساب Google.
- Cloudflare: استضافة الموقع.
4. أذونات تطبيق الأندرويد
- الإشعارات: عشان التنبيهات توصلك حتى والتطبيق مقفول.
- الظهور فوق التطبيقات: عشان فقاعة سكينة العائمة. اختياري، وتقدر تقفله في أي وقت.
- الميكروفون (عن طريق خدمة التعرّف على الكلام في الموبايل): بس لما تدوس زرار التكلم.
5. مسح حسابك وبياناتك
تقدر تمسح حسابك وكل بياناتك المحفوظة على سيرفراتنا في أي وقت من داخل التطبيق: ⚙️ الإعدادات ← حذف حسابي نهائياً. المسح بيتم فوراً ومينفعش يترجع. ولو مش قادر تدخل، ابعت طلب المسح من نفس بريد الحساب على omarmosbah693@gmail.com.
البيانات المحفوظة على جهازك بتتمسح لما تمسح التطبيق أو من «مسح كل حاجة» في الإعدادات.
6. الحماية
الاتصال كله مشفّر (HTTPS)، وكل مستخدم ميقدرش يشوف غير بياناته، ومفاتيح الخدمات محفوظة على السيرفر بس.
7. السن
سكينة موجّهة للبالغين (18 سنة فأكتر).
8. الطوارئ
لو عندك أفكار لإيذاء نفسك، كلّم حد قريب منك فوراً، أو اتصل بالإسعاف 123 أو الخط الساخن للصحة النفسية 08008880700.
9. التغييرات والتواصل
لو السياسة اتغيرت هنحدّث التاريخ اللي فوق. لأي سؤال: omarmosbah693@gmail.com